Google ADS

Menduh Thaçi, Sasho Mijallkov dhe katër të tjerë dalin në gjyq më 24 prill

15:28 | 6 Prill 2018
Arbresh.info

Makfax bën të ditur se Menduh Thaçi, lider i Partisë Demokratike Shqiptare (PDSH), si edhe Sasho Mijallkov, ish-drejtor i Drejtorisë për Siguri dhe Kundërzbulim (DSK) më 24 prill do të dalin para gjyqit, si të akuzuar në lëndën e Prokurorisë Speciale Publike (PSP) “Titanik 2”.

Të akuzuar janë edhe ish-anëtarët e Komisionit Shtetëror Zgjedhor (KSHZ), Sasho Sërcev, Bedredin Ibraimi, Aneta Stefanovska dhe Vllatko Sajkovski.

Të gjithë të akuzuarit, përveç Mijallkovit do të përgjigjen për keqpërdorim të pozitës zyrtare dhe kompetencave, kurse Mijallkovi do të përgjigjet për “pranim shpërblimi për ndikim të jashtëligjshëm”.

Nga bisedat e përgjuara mund të kuptohet se si Mijallkov dhe Thaçi pajtohen për votimin e parashtresave në KSHZ. Dy materiale të përgjuara do të jenë dëshmi dhe janë pranuar nga Gjykata e Apelit./Telegrafi

Shpërndaje në rrjete sociale

Lajmet më të lexuara

Të ngjashme

Foto lajm